બહુમતી ભાજપ પાસે પણ લાઠી તાલુકા પંચાયતમાં પ્રમુખ બનશે AAPના! જાણો શું છે આખો રાજકીય ખેલ

Lathi Taluka Panchayat Election:અમરેલી જિલ્લાની 11 તાલુકા પંચાયતોના પ્રમુખોની આવતીકાલે વરણી થવા જઈ રહી છે, પરંતુ સૌથી વધુ ચર્ચા લાઠી તાલુકા પંચાયતની થઈ રહી છે. અહીં રાજકારણમાં એક મોટો ઉલટફેર જોવા મળ્યો છે. લાઠીમાં સ્પષ્ટ બહુમતી ભાજપ પાસે હોવા છતાં, પ્રમુખ પદની ખુરશી પર આમ આદમી પાર્ટી (AAP) ના ઉમેદવાર બેસે તેવી સ્થિતિનું નિર્માણ થયું છે. પ્રમુખ પદ OBC મહિલા માટે અનામત હોવાથી, ભાજપે પોતાના પક્ષમાં યોગ્ય ઉમેદવાર ન હોવાથી 'ઉછીના ઉમેદવાર' તરીકે AAP ના મહિલા સભ્યને ટેકો આપીને ફોર્મ ભરાવ્યું છે.